Сыбанов Б.К.

Сыбанов Болат Күнтуұлы (1938-1998 жж.), әнші, әртіс

Сыбанов Болат Күнтуұлы еңбек жолын 1957 жылы Абай атындағы қазақ драма театрында әртіс болудан бастап, біраз уақыт Алматы филармониясында солист болып, кейін Семей қаласына оралып, өмірінің соңына дейін туған сахнасында еңбекетеді. Өзінің театрдағы шығармашылық жолында Болат Сыбанов 100-ден астам көрнекті образды сомдаған.
Қазақ халқының радио мен телеарнасының алтын қорына оның авторлық орындауымен мынадай әндері енген: «Ақ бұлақ», «Таң самалы», «Ғашықтар термесі», «Жан ана», «Әке туралы» т.б. Көптеген әндері Түркия, Швеция, Германия, Моңғолия, Қытай елдеріне де танымал.
Ол біршама спектакльдерге қатысқан, олардың қатарында: «Тау қызы», «Волоколамское шоссе», «Шыңғыс хикаясы».
Болат Сыбанов - арнайы музыкалық білімі болмаса да, домбыра, фортепиано, баянда жақсы ойнаған. Оның музыкалық шығармашылығын «Мелодия» фирмасымен жарық көрген күйтабақ та дәлелдейді. Әртіс әрі музыкант 1998 жылы 14 ақпанда 60 жасқа толған шағында дүниеден өтеді.

Ол туралы әдебиет:

1. Семей әншілері [Мәтін] : био-библиографиялық портрет. - Семей : б. ж., 2006. - 32 б.2. Әліәкбар, Серік. Ән қанатында [Мәтін] / С. Әліәкбар // Аудан тынысы. - 2009. - 30 қазан. - С. 4.3. Әліпбаев Қ. Өмірін өнерге арнаған [Мәтін] / Әліпбаев Қ. // Семей таңы. - 2003. - 10 қаңтар.- Б.124. Рахымов Т. Сөнбейтін шамшырақ. [Мәтін] : [Сегіз қырлы, бір сырлы талант иесі Б.Сыбанов туралы естелік] / Рахымов Т. // Үш анық. - 1999. - мамыр.- Б.5. Сейсенұлы Д. Әншіге құрмет- өнерге құрмет [Мәтін] : [Әнші-сазгер Б.Сыбановты еске алу кешінен] / Сейсенұлы Д. // Егемен Қазақстан. - 1998. - 26 маусым6. Иманғали , Мейрамтай. Қазақ әнінің ақбұлағы болатын [Мәтін] / М. Иманғали // Дидар. - 2010. - 13 қазан.- Б.5.7. Иманбаева, Алтын. Сағынды елің үніңді [Мәтін] / А. Иманбаева // Мәдениет. - 2011. - N 4.- Б.32-33. Материалды Абай атындағы Семей әмбебап ғылыми кітапханасы ұсынған.