Яковлев Н. И.

Жаңартылды 23.06.2018 11:49

Яковлев Николай Иванович (1927-1985) – суретші, кескіндемеші, Ұлы Отан соғысына қатысқан.

1927 жылы Ленинград (қазір РФ Санкт-Петербург қ.) дүниеге келген. Ленинград көркемсурет Академиясында (қазір И.Е.Репин атындағы Санкт-Петербург мемлекеттік академиялық бейнелеу өнері, мүсін және архитектура институты) көркемсурет мектебінде оқыған.

1942-1944 жж. Псков облысында партизан қозғалысына қатысты. Қызыл Жұлдыз ордені, медальдармен марапатталған.

1948 жылы Н.В.Гоголь атындағы Алматы көркемсурет училищесін (қазір О.Таңсықбаев атындағы Алматы сәндік-қолданбалы өнер колледжі) бітірді. 1950 ж. Шығыс Қазақстан облысы Семей педагогикалық училищесінде (қазір М.Әуезов атындағы Семей педагогикалық колледжі) оқытушы болды. Көркемсурет қоры шеберханаларында жұмыс істеді.

Қалалық, облыстық және республикалық көрмелерге қатысқан.

1957 жылы суретшінің жұмыстары бүкілодақтық мәндегі Чебоксары (Чуваш Республикасы) және Черновецте (Украина Республикасы) ұйымдастырылған көрмелерге қойылды.

Н.И.Яковлевтің жұмыстары Ә.Қастеев атындағы Мемлекеттік бейнелеу өнері музейі және Қазақстанның басқа музейлерінде сақтаулы.

1985 жылы қайтыс болды.

Деректер

Источники

Восточно-Казахстанский областной музей изобразительных искусств имени семьи Невзоровых. — Семипалатинск [Текст] : Тенгри, 2003. - С. 158.