Известные имена

Құрметті оқырмандар!

2004 жылдан бастап "Шығыс Қазақстан танымал есімдер" дерекқорын толықтыру жұмыстары жүргізілуде. Жобаның мақсаты – Шығыс Қазақстан өңірінің барлық танымал тұлғалары туралы барынша толық ақпарат жинау. Бүгінгі таңда бұл ақпараттық ресурста біздің жерлес ақын-жазушылар, ғалымдар мен ағартушылар, Ұлы Отан соғысына қатысушылар, Алаш қайраткерлері және басқа да бөлімдер ұсынылған. Бұл – отандастарымыздың тұлға мен тағдырларында біздің бірегей өлкеміздің ортақ портретін жасауға көмектеседі.
Библиография 2018 жылға дейін жинақталғанын хабарлаймыз. Кейінірек түскен әдебиеттерді кітапхана сайтының электрондық каталогынан табуға болады: http://pushkinlibrary.kz немесе бізге мына поштаға хабарласа аласыз: spravka@pushkinlibrary.kz
Дерекқорды толықтыру жұмыстары жалғасуда және Сіз де жаңа есім немесе жаңа өмірбаяндық деректерді ұсына аласыз.  Бұл біздің ортақ жұмысымыз әрі біздің ортақ Үйімізді даңққа бөлеген азаматтар алдындағы борышымыз.

abai r pushkin r kray r  

Үдербаева Б.

Үдербаева Б. Үдербаева Бақыт, (1950) – әнші.

1950 жылы туған. Сегіз жылдық мектепті бітіріп, 1967 жылы М.Төлебаев атындағы музыка училищесіне оқуға түседі. Шығармашылық жолын 1970 жылы Семей облыстық филармониясында әнші болып бастайды.
Әнші реперуарында «Жиырма бес», «Дудар-ай», «Т. Базарбаевтың «Өз елім», «Жан сәулем», Б. Сыбановтың «Ғашықтар туралы термесі» және халық әндері өзінің сұлу сазымен, ерке назымен ерекшеленеді. Ең алғаш Бақыт 1975 жылы Бүкілодақтық Орта Азия өнерпаздары конкурысына қатысып, бағалы дипломмен марапатталған. 1980 жылы Ә. Қашаубаев атындағы бірінші әншілер байқауына қатысып, бірінші жүлдені жеңіп алған. Сол жылы «Бақыт Үдербаева ән шырқайды» атты күй-табағы мен телефильмі жарыққа шыққан.
1989 жылы «Қазақстан Республикасының Еңбек сіңірген әртісі» атағын алады. Германия, Монғолия, Түркияда өнер көрсеткен.
1997 жылы өзінің шығармашылық концертін берген. 2003жылдың 13 наурызында Абай театрында әншінің жаңа концерттік бағдарламасы өтті.

Үдербаева Бақыт туралы:

Ахметбекова, А. Ер мінезді әнші [Мәтін] / Ахметбекова А // Семей таңы. - 2005. - 1 сәуір. - Б. 5.
Семей әншілері. Био-библиографиялық портрет.Семей, 2006.- Б.27