Байғалиев Б. Т.

Жаңартылды 28.02.2019 21:59

Байғалиев Төлеуғазы Баяндинович (1963 ж.) – суретші-кескіндемеші, педагог, Қазақстан Суретшілер одағының мүшесі, Қазақстанның мәдениет қайраткері.

1963 жылы 20 тамызда Шығыс Қазақстанда дүниеге келді. 1985 жылы Крупская атындағы сурет және графика педагогикалық институттың сурет және графика факультетін бітірді. Институттың «ИЗО и черчения» кафедрасында, М.Төлебаев атындағы Музыкалық колледждің көкемсурет бөлімінде жұмыс істеді.

1988 жылдан бастап қалалық, облыстық және республикалық көрмелері мен жобаларына қатысты. Семей қаласында «Суретші Байғалиев» атындағы мемлекеттік архив қоры ашылған.

Қазақстан, Ресей (Мәскеу, Санкт-Петербург) және шет елдерде өткен көрмелерге, Қытай (Шанхай, Пекин), Ресей т.б. елдерінде өткен семинарларға қатысқан.

Суретшінің картиналары Невзоровтар музейі, Абай атындағы музейі (Семей қаласы), «Бақшасарай» (Қырым)қорық-мұражайында сақтаулы. Сондай-ақ, Қазақстан, Ресей, АҚШ, Германия, Корея, Қытай, Украина елдерінің жеке коллекцияларында кездеседі.

Т.Б.Байғалиев жұмыстары республикалық көркем-фольклорлық-этнографиялық «Абай» журналына енген.

2003 жылдан бері ҚР Білім және ғылым министрлігінің аттестациялық комиссиясының мүшесі.

Астанадағы «Қазақстан халықтарының достығы» ескерткіші, «Астана-Дарыны» кубогі мен төсбелгісінің авторы.

2005 жылдан бері Астана қаласында жұмыс істейді.

Халықаралық «Артэкспо Нью-Йорк-2011» конкурсында Нью-Йорк Бианаллесының алтын және күміс медальдарымен марапатталды, «Қазақстан Республикасының өнері» (2009) номинациясы бойынша «Жыл патриоты» конкурсының лауреаты.

2014 жылы Астана қаласындағы заманауи өнер музейінде Т. Б. Байғалиев және шәкірттерінің көрмесі өткізілді. Павлодар облыстық музейінде «Жидебай-Бөрілі» тарихи-мәдени және әдеби-мемориалдық мұражай-қорық коллекциясынан «Абай. Шыңғыстау. Семей» көрме-вернисажы ұйымдастырылып, көрмеден суретшінің картиналары да орын алды.

Т. Б. Байғалиев туралы әдебиеттер

Литература о Байгалиеве Т. Б.

Омарова, Ж. От Кубрина до наших дней [Текст] : [о художнике Байгалиеве Т. Б.] / Ж. Омарова// Казахстанская правда. — 2011. — 30 июня.

Интернет-сілтемелер

Интернет-ссылки

Байгалиев Толеугазы Баяндинович [Электронный ресурс] // Восточно-Казахстанская областная универсальная библиотеа им. Абая : сайт. – Режим доступа : http://semeylib.kz/?page_id=10773&lang=ru (07.02.2018)

Байгалиев Толеугазы Баяндинович [Электронный ресурс] // Управление архивами Восточно-Казахстанской области Центр документации новейшей истории Восточно-Казахстанской области Фонды личного происхождения Путеводитель Семипалатинск: сайт. – Режим доступа : http://dereksiz.org/upravlenie-arhivami-vostochno-kazahstanskoj-oblasti-centr-doku.html?page=2 (07.02.2018)