Құжыманов Ж.

Жаңартылды 21.02.2019 15:58

Құжыманов Ж. (1958) – дәстүрлі әнші

Жоламан Құжыманов 1958 жылы жылы 17 наурызда бұрынғы Семей облысына қарасты Ақсуат ауылында көп балалы отбасында дүниеге келген. Әкесі Нұртай әншілігімен халыққа танымал болған адам.

Жоламан Семей технология институтын бітірген.

Қали Байжанов, Мәди Бәпиұлдары секілді әншілердің айтқан әндерін, әңгімелерін бойына сіңіріп өскен.

Әміре Қашаубаев атындағы Семей облыстық филармониясында, Абай атындағы Семей драма театрында қызмет істеген.

Әнші шығармашылығында Мәдидің «Қаракесек», «Қарқаралы», «Үшқара» әндерінің орны бір төбе. Қасым Аманжоловтың әндерін де нақышына келтіріп шырқауды ұнатады. Үлкен сахнада оның орындауындағы Абайдың «Қараңғы түнде тау қалқып» әні ел ықыласына бөленді. Әнші сол әнмен байқауға қатысып, лауреат атанды. Үкілі Ыбырайдың «Толқын», «Шалқыма» әндері жанына жақын.

Әнші мектепте оқып жүрген кезінде Қайрат Байбосыновқа еліктеген екен. Ауылдағы ұстаздары - Найманғазы Сақпанбаев, Рахмет Ноғайбаев. Әншілік жолға түбегейлі түскеннен соң Келденбай Өлмесеков, Ахат Әшіров, Тұрсынғазы Рахимов, Мәдениет Ешекеев сияқты дәстүрлі ән шеберлерінен тәлім алған. Тельман, Нұртай, Ерлан, Еламан, Ербол, Саят, Жасұлан сияқты соңынан ерген шәкірттері бір төбе.

Соңғы жылдары «Сазген сазы» ансамблінің солисі болып еңбек етуде. Көптеген республикалық ән конкурстарының жеңімпазы.

Ж. Құжыманов туралы деректер

 о Ж. Кужыманове

Құжыманов Ж. Үлкен өнер сезiмнен туады [Мәтін]: / әңг. А.Асқарұлы // DAT (Диалог Анализ Тема). - 2010. - 2 маусым (№ 22). – Б.16.

Жоламан Нұртайұлы Құжиманов [Электронный ресурс] // alashainasy.kz : сайт. - Режим доступа: http://alashainasy.kz/omir/jolaman-nurtayulyi-kujimanov-49772/ (дата обращения: 3.01.2018)