Құжиманов Е.
- Жаңартылды 14.11.2018 14:56
Құжиманов Ерлан (1969) – әнші
Ерлан Құжиманов 1969 жылы бұрынғы Семей (қазіргі Шығыс Қазақстан) облысы Ақсуат ауданының Ақсуат ауылында дүниеге келген.
1986 жылы орта мектепті бітіріп, 1986-1994 жылдарықарағанды пединститутының көркемсурет факультетінде оқып жоғары білім алды.
1994-1996 жылдары осы институтта, 1996-2004 жылдары Е. Букетов атындағы ҚарМУ-дің философия- психология факультетінде ұстаздық етті. Қазақ философиясының тарихы, мәдениеттану, дінтану пәндерінен дәріс оқыды.
2004-2007 жылдары Л. Гумилев атындағы Евразия ұлттық университетінде музыка факультетін тәмәмдады.
Арқа өңірінің әлі де халыққа танылмай жатқан ақын- композиторларының шығармаларын зерттеп, қазақ радиосының Алтын қорына тапсырған. Дүниежүзілік өнер фестивальдерінде (Франция, Австрия, Германия, Түркия, Оңтүстік Корея) қазақ өнерін, мәдениетін насихаттап келеді.
1992 жылы Алматы Қаласында студенттер арасында өткен «Студенттер көктемі» атты республикалық ән байқауында басжүлдені жеңіп алды.
1995 жылы Шымкент қаласында өткен республикалық Ә. Қашаубаев атындағы, 1997 жылы тараз қаласында өткен халықаралық Ш. Қалдаяқов атындағы әншілер байқауыларының жеңімпазы.
1998 жылы «Шабыт» фестивалі ән байқауында 1-орын алып, Ж. Елебеков атындағы республикалық әншілер байқауында лауреат атанды. Республикалық Мәди Бәпиұлы атындағы байқаудың жеңімпазы. Ш. Қалдаяқов атындағы II Халықаралық конкурстың лауреаты.
