Воробьева Р. Б.

Жаңартылды 20.05.2024 16:21

Воробьева Раиса Борисовна (31.05.1939) – Қазақстан Республикасының еңбек сіңірген әртісі.
Воробьева Раиса Борисовна 1939 жылы 31 мамырда Өскемен қаласында дүниеге келді. 1961 жылдан бастап Жамбыл атындағы Шығыс Қазақстан облыстық драма театрында өнер көрсетті. Воробьева Раиса – лирика-драма жанрының актрисасы. Раиса Борисовна өзінің ерекше талантымен әртүрлі сипаттағы рөлдерді сомдады. В. Кондратьевтің «Дорога на Бородухино» әскери драмасында трагедиялық рөлде ойнаса, О. Голдсмиттің «Ночь ошибок» комедиясында миссис Хардкаслтің рөлін абыроймен ойнап шықты. Актриса вокалдық, музыкалық қабілетке де ие.
Актриса Р.Б.Воробьеваның сәтті шыққан рөлдері - Н.Островскийдің «Кінәсіз кінәлісінде» Кручинина, А.Кристидің «Тышқан қақпанындағы» Кей Суелл, Н.Островскийдің «Найзағайында» Кабаниха, В.Гибсонның «Ғажайыпты жасаушыда» Кэт, Птушкинаның «Өліп жатқанда» Татьяна, В.Губареваның «Сталин саяжайында» Қожайын, К.Ласкаридің «Жастық шақтың күнәларында» Татьяна Федоровна, Б.Лацераның «Табиғи апатында» Наталья Сергеевна және тағы басқалар.
Раиса Борисқызы театр ұжымымен Қарағанды, Чита, Улан-Удэ, Алматы, Павлодар, Мукачево, Ужгород қалаларына гастрольдік сапармен барып көптеген рөлдерді сомдады.
1990 жылы Жамбыл атындағы Шығыс Қазақстан облыстық драма театры Мәскеу, Подольск, Владивосток, Чехов, Серпухов, Находка қалаларында «Жастық шақтың қателіктері», «Сталиннің саяжайы», «Лакейлер» спектакльдерін қойды, басты рөлдер де актриса Р.Б.Воробьева ойнады. Мәскеу қаласындағы гастрольдік сапардың қорытындысы бойынша Шығыс Қазақстан облысының мәдениет басқармасы Раиса Борисовна Воробьеваға «Қазақстанның еңбек сіңірген әртісі» атағы берілді.
1986 жылы актриса Воробьева Р. Б. жетістіктері үшін Қазақ КСР Жоғарғы Кеңесі Президиумының Құрмет грамотасымен, 1986 жылы Шығыс Қазақстан облыстық мәдениет басқармасының «Еңбек ардагері» медалімен марапатталған. Дж.Патриктің «Біртүрлі миссис Сэвидж» пьесасында Мисис Сэвидж рөлін сомдағаны үшін Воробьева Р. Б. «2002 жылдың үздік актрисасы» атанды.
Қазақстан Республикасының еңбек сіңірген әртісі Воробьева Раиса Борисовна Жамбыл атындағы Шығыс Қазақстан облыстық драма театрында қызметте жүріп 200-ге жуық рөлді сомдады. Ол театр қайраткерлері одағының Шығыс Қазақстандағы филиалының төрайымы. 

Әдебиеттер

Ветеранши-оптимистки. – Разные и Равные. – 2003. – 20 ноября. – С. 6.
Лазарева В. Да здравствует театр!. – Деловой Усть-Каменогорск. - № 9. – С. 53.