Айкешев М.О.

Жаңартылды 12.04.2022 15:29

Айкешев Молдаш Орынбайұлы (1958-1980) - сержант, мотоатқыштар бөлімінің командирі

1958 ж. 5 сәуірде Семипалатинск (қазіргі Шығыс Қазақстан) облысы, Үржар ауданы, Текебұлақ ауылында дүниеге келген. Физкультура техникумын бітірген соң, «Үржар» кеңшарында ұстаздық қызмет атқарады.

1978 ж. 8 қарашада Үржар аудандық әскери комиссариатынан КСРО Қарулы Күштері қатарына шақырылады.

1980 ж. мамыр айында Ауғанстанға әскери борышын өтеуге жіберіледі.

1980 ж. 17 қыркүйекте жауынгерлік тапсырманы орындау барысында қаза тапты. Шығыс Қазақстан облысы, Үржар ауданы, Текебұлақ ауылында жерленген.

КСРО Жоғарғы Кеңесі Президиумының Жарлығымен Қызыл Жұлдыз орденімен марапатталды (қаза тапқаннан кейін).

М. О. Айкешев туралы әдебиет

Литература о М. О. Айкешеве

Азалы кітап : ауған жеріндегі әскери қимылдар барысында қаза тапқан шығысқазақстандық жауынгерлер (1979-1989 жж.) = Книга памяти : воины - восточнокахстанцы, погибшие во время боевых действий в Афганистане (1979-1989 гг.) / "Ауғанстандағы соғыс ардагерлерінің Өскемен ұйымы" қоғамдық бірлестігі ; "Ауған соғысы және Семей қаласындағы жергілікті соғыстардың соғыс ардагерлері мен соғыс мүгедектері" қоғамдық бірлестігі ; А. С. Пушкин атындағы Шығыс Қазақстан облыстық кітапханасы ; Абай атындағы Шығыс Қазақстан облыстық кітапханасы. - Өскемен : [б. и.], 2014. - Б. 20.

Интернет-ресурстар

Шығыс Қазақстан облыстық сәулет-этнографиялық және табиғи-ландшафттық музей-қорығының ресми сайты