Зайцев Н.Н.

Жаңартылды 27.02.2024 10:58

 Зайцев Николай Николаевич (1966-1987) - қатардағы жауынгер, аға моторшы.

1966 ж. 1 қарашада Шығыс Қазақстан облысы, Глубокое ауданы, Алтайский кентінде дүниеге келген. 8 класты аяқтаған соң, Глубокое ауданы, Верх-Березовка селосындағы №3 кәсіптік-техникалық училищеде оқиды.
1985 ж. 31 қазанда Глубокое аудандық әскери комиссариатынан КСРО Қарулы Күштері қатарына шақырылады.
1986 ж. 27 шілдеде Ауғанстанға әскери борышын өтеуге жіберіледі.
1987 ж. 6 ақпанда жауынгерлік тапсырманы орындау барысында қаза тапты. 1987 ж. 14 ақпанда Шығыс Қазақстан облысы, Глубокое ауданы, Алтайский кентінде жерленді.
1987 ж. 12 қарашадағы КСРО Жоғарғы Кеңесі Президиумының Жарлығымен Қызыл Жұлдыз орденімен марапатталды (қаза тапқаннан кейін).

Әдебиеттер:
Азалы кітап : ауған жеріндегі әскери қимылдар барысында қаза тапқан шығысқазақстандық жауынгерлер (1979-1989 жж.) = Книга памяти : воины - восточнокахстанцы, погибшие во время боевых действий в Афганистане (1979-1989 гг.) / "Ауғанстандағы соғыс ардагерлерінің Өскемен ұйымы" қоғамдық бірлестігі ; "Ауған соғысы және Семей қаласындағы жергілікті соғыстардың соғыс ардагерлері мен соғыс мүгедектері" қоғамдық бірлестігі ; А. С. Пушкин атындағы Шығыс Қазақстан облыстық кітапханасы ; Абай атындағы Шығыс Қазақстан облыстық кітапханасы. - Өскемен : [б. и.], 2014. - Б. 88-89.