Балабай Л. А.
- Жаңартылды 12.04.2022 15:54
1932 ж. 9 қарашада Украина КСР, Чернигов облысы, Ичня қаласында дүниеге келген. Мектепті бітірген соң, Ичня аудандық әскери комиссариатынан Москва қаласына Химиялық қорғаныс әскери Академиясына оқуға жіберіледі. 1956 ж. Одесса политехникалық институтын инженер-жылуэнергетик мамандығы бойынша бітіреді.
1956 ж. бастап Өскемен қаласындағы «Казгипроцветмет» институтында инженер-конструктор болып қызмет атқарады. 1957 ж. Өскемен ЖЭО-на станцияның кезекші инженері болып ауысады. 1958 ж. сәуір айында Мемлекеттік Қауіпсіздік Комитеті органына әскери қызметке алынады. Лениногорск (қазіргі Риддер қаласы) және Өскемен қалаларында Шығыс Қазақстан облысы бойынша Қазақ КСР Мемлекеттік Қауіпсіздік Комитеті Басқармасында қызмет атқарды.
1979 ж. Ауғанстанға әскери борышын өтеуге жіберіледі.
1979 ж. 2 мамырда жауынгерлік тапсырманы орындау барысында қаза тапты. Өскемен қаласында жерленген.
1980 ж. 28 сәуірдегі КСРО Жоғарғы Кеңесі Президиумының Жарлығымен Қызыл Жұлдыз орденімен марапатталды (қаза тапқаннан кейін).
Әдебиеттер:
Азалы кітап : ауған жеріндегі әскери қимылдар барысында қаза тапқан шығысқазақстандық жауынгерлер (1979-1989 жж.) = Книга памяти : воины - восточнокахстанцы, погибшие во время боевых действий в Афганистане (1979-1989 гг.) / "Ауғанстандағы соғыс ардагерлерінің Өскемен ұйымы" қоғамдық бірлестігі ; "Ауған соғысы және Семей қаласындағы жергілікті соғыстардың соғыс ардагерлері мен соғыс мүгедектері" қоғамдық бірлестігі ; А. С. Пушкин атындағы Шығыс Қазақстан облыстық кітапханасы ; Абай атындағы Шығыс Қазақстан облыстық кітапханасы. - Өскемен : [б. и.], 2014. - Б. 40-41.
