Кезекенев Б. С.
- Жаңартылды 13.05.2021 10:36
Кезекенев Бақай Ысқақұлы (1916-1982) – Ұлы Отан соғысының ардагері
1941 жылы тамызда Большенарым аудандық (қазіргі Катонқарағай) әскери комиссариатымен Қызыл Әскер қатарына шақырылды. 3-ші Украина майданының 57-ші атқыштар гвардиялық дивизиясының 174-ші гвардиялық атқыштар полкіне түседі. Бұған дейін 1939 жылы Халхин-Гол шайқасына қатысып, сол жерде өзін керемет мерген ретінде көрсеткен.
25 жастағы сержант 1941 жылы 20 қыркүйекте әскери ант қабылдайды. Көп ұзамай атқыштар бөлімшесінің командирі болып тағайындалады. Ол үш әскери жыл ішінде Мәскеу, Сталинград маңындағы әйгілі шайқастарға қатысып, алдыңғы қатарда ол Днепрді басып өтіп, Кенигсбергке жетіп, онда екі жамбастан ауыр жарақат алады. ЦАМО мұрағат қорының жазбаларында (Тарихи ақпарат қорының нөмірі 33, тізімдеме нөмірі 686044, № 1766 іс) Кезекеневті жоғары награда – Қызыл Жұлдыз орденімен марапаттау туралы ақпарат қысқаша баяндалған: "... өз есебіне бұйрық беріп, немістердің екі білдек пулеметін басып алды, олардан оқ жаудырды, люктен бақылап, ату үшін координаттарын берген танкистті өлтірді...". Міне, бұл асқан ерлік тұр. 1943 жылғы 30 қыркүйектегі ІІ дәрежелі Отан соғысы орденімен наградтау парағында былай делінген: "Гвардия ӘШҚҚ взвод бөлімшесінің командирі сержант Кезекенев Бакай Ысқақұлы неміс басқыншыларымен ілгерілемелі ұрыстарда өзін кез-келген жауынгерлік жағдайда тұрақты, тәртіпті командир ретінде көрсеткені үшін наградталсын. Өз бөлімшесімен ол жау ұшақтарын мұқият бақылап, олар пайда болған кезде оқ жаудырды". Сақталған әскери билеттегі жазбалар 1944 жылы үзіліп, 18 қазанда Кенигсберг маңында Бақай Ысқақұлы ауыр жарақат алып, бір жыл 5352 эвакуациялық ауруханада өткізді. Онда ол ең ауыр операциялардан аман қалды, тек жастық пен өмірге деген құштарлық оны туыстарына қайтарды.
Туған ауылына оралып, еңбек майданында ерліктерін жалғастырды.
Зайыбы Забиля Бақай Ысқақұлымен бірге 10 бала – 5 ұл және 5 қыз тәрбиелеп өсірді.
Ардагер 1982 жылы 66 жасында қайтыс болды.
Б. Ы. Кезекенев туралы әдебиет
Литература о Б. Кезекеневе
Муканова, А. Спасла от смерти Красная Звезда /А. Муканова // Казахстанская правда. – 2021. - 7 мая : https://www.kazpravda.kz/fresh/view/spasla-ot-smerti-krasnaya-zvezda
Интернет-ресурстар
Интернет-ресурсы
Ускембаева А.(внучка Б. Кезекенева) История одной медали: подвиг, совершенный во имя Отчизны / А. Ускембаева : https://baigenews.kz/news/istoriya_odnoy_medali-_podvig_sovershennyy_vo_imya_otchizny/
