Афанасьев А. А.

Жаңартылды 06.09.2022 06:52

Афанасьев Александр Алексеевич(1909 - ...) – жазушы, журналист, ҰОС қатысқан.

1909 жылы 22 қарашада Барнауылда жұмысшы отбасында дүниеге келген.

1925 жылы Өскемен педагогикалық техникумына оқуға түсіп, «Звено Алтая» әдеби бірлестігіне қатысады. Техникумнан кейін Павлодарда изба-читальня меңгерушісі болады. Кейін, 1929 жылы Павлодар округі Иртыш селосында жұмысшы жастар мектебінде орыс тілі мен әдебиеті пәнінен сабақ береді. 1930 жылы Иртыш аудандық білім бөлімінде нұсқаушы, кейін, Глубокое колхоз жастары мектебінде меңгеруші қызметін атқарды. «Звено Алтая» әдеби бірлестігіне қатысуы ізсіз қалған жоқ.Александр Алексеевич көп жазды. 1930 жылы газет редакциясына жауапты хатшы және республикалық «Советская степь» газетінде меншікті тілші болды.

1931 жылдан бастап «Ленинская смена» газетінде бөлім меңгерушісі қызметін атқарды. Осы жылы Барнаул қаласына барып, 1942 жылға дейін әртүрлі қызметте болды. 1942 жылы өз еркімен майданға аттанып, саяси бөлімде нұсқаушы, «Сталинская гвардия» газетінде редактор, «Боевая красноармейская» газеті редакторының орынбасары болды. Соғыстан кейінгі жылдары зейнетке шыққанға дейін баспасөз орындарында қызмет етті:

1946-1947жж. - «Ворошиловец» (Ленинград әскери округі) газеті редакторының орынбасары

1947-1950жж. – «Защитник Родины» газетінің әдеби хатшысы (Одесса әскери округі)

1950-1952жж. – «Красная звезда» газетінің жауапты хатшысының көмекшісі (Мәскеу қ.)

1952-1953жж. – редакторларды қайта дайындау курсында оқыды.

1953-1954жж. – «Знамя победы» газетінің әдеби хатшысы (Кеңес әскерлерінің Солтүстік группасы. Польша)

1954-1959жж. – «Защитник Родины» газетінің партия өмірі бөлімінің тілшісі (Воронеж әскери округі)

1969 жылдан бастап – зейнеткер.

Қайтыс болған жылы белгісіз.

Интернет –ресурстар

Интернет-ресурсы

Афанасьев Александр Алексеевич [Электронный ресурс] : [биография, ГАВКО, ф.742, оп.1, 29 ед.хр., 1927-1985 г.г., каталог.] /Официальный сайт Государственного архива Восточно-Казахстанской области и его филиалы. - Режим доступа :

http://e-arhiv.vko.gov.kz/ru/Page/Index/1436 (09.01.2019)