Антропова О.

Жаңартылды 24.04.2019 16:57

Антропова Ольга Ивановна (1922-ж.ө.б.) – звеношы, Социалистік Еңбек Ері.

1922 жылы Шығыс Қазақстан облысы Киров ауданы (қазір Глубокое ауданы) Секисовка селосында шаруа отбасында дүниеге келген.

14 жасынан Калинин атындағы колхозда бақташының көмекшісі болады. Соғыс жылдары тіркеуші және тракторшы болып жұмыс істейді. Кейін қатардағы колхозшы және Верх-Уба (қазір Шемонайха ауданы) ауданының XVIII партсъезі атындағы ауылдық артелінде звеношы болады.

Ольга Антропова соғыстан кейінгі жылдары егіс шаруашылығында әйел адамдар звеносына басшылық жасады.

СССР Жоғарғы Кеңесі Президиумының 1949 ж. 20 мамыр Жарлығымен О. И. Антроповаға Социалистік Еңбек Ері атағы берілді.

Кейінгі жылдары озат звеношы бидай мен күнбағыстан үлкен өнім алып, құрбыларымен бірге мал азығын әзірлеу үшін шөп шабуға көмектеседі.

1953 ж. О. И. Антропова КПСС мүшелігіне өтті.

Қазақ ССР Жоғарғы Кеңесінің депутаты, Еңбекшілер депутаттары ауылдық Кеңесінің депутаты, халық сотының заседателі болды.  

«1941-1945 жж. Ұлы Отан соғысындағы қажырлы еңбегі үшін» медалімен марапатталған.

Деректер

Источники

Шығыс Қазақстан облысы [Мәтін] : энциклопедия. - Алматы : Қазақ энциклопедиясы, 2014. – Антропова Ольга Ивановна: б. 181.

Герои Социалистического Труда - казахстанцы [Текст].

Т. 1. - Алма-Ата : Казахстан , 1969.

Антропова Ольга Ивановна [Электронный ресурс] : [биография] // Государственный архив Восточно-Казахстанской области : сайт. – Режим http://e-arhiv.vko.gov.kz/kk/SiteGallery/Album?albumId=42(09.01.2018)