Қозыбаев Т.

Жаңартылды 08.06.2019 11:11

Қозыбаев Төрсағат (1885-1957) – аға шопан, Социалистік Еңбек Ері.

1885 жылы Шығыс Қазақстан облысы Марқакөл ауданында (қазір Күршім ауданы) шаруа отбасында дүниеге келген.

Еңбек жолын 1897 жылы шопан болып бастаған. 20 жылдан аса уақыт Марқакөл ауданы (қазір Күршім) «Коминтерн» колхозында аға шопан болды.

1947 жылы 402 саулықтан 499 қозы алды, яғи, әр қойдан 124 қозы.

Қой шаруашылығын өркендетудегі жетістіктері үшін КСРО Жоғарғы Кеңесі Президиумының 1948 ж. 23 шілде Жарлығымен Төрсағат Қозыбаевқа Социалистік Еңбек Ері атағы беріліп, Ленин ордені, «Орақ пен Балға» алтын медалі тапсырылды.

Үздік шопан Т.Қозыбев отанымыздың жоғарғы марапатына үздік еңбегімен жауап берді. Ол 1948 жылы 415 бас қойдан 538 қозы (немесе әр жүз қойдан 129 қозы) алып, ауданның малшы қауымы арасында социалистік жарыс жеңімпазы атанды.

Ленин орденімен екі рет марапатталған.

1957 жыы қайтыс болды.

Деректер

Источники

Шығыс Қазақстан облысы [Мәтін] : энциклопедия. - Алматы : Қазақ энциклопедиясы, 2014. – Қозыбаев Төрсағат: б. 464.

Герои Социалистического Труда - казахстанцы [Текст] Т. 1. - Алма-Ата : Казахстан,,1969.

Козыбаев Торсагат [Электронный ресурс] : [биография] // Государственный архив Восточно-Казахстанской области : сайт. – Режим доступа : http://e-arhiv.vko.gov.kz/kk/SiteGallery/Album?albumId=42 (10.01.2018)