Резникова З. В.

Жаңартылды 31.01.2018 15:06

Резникова Зинаида Васильевна (1927 ж.) – звеношы, Социалистік Еңбек Ері.

1927 жылы Шығыс Қазақстан облысы Киров ауданы (қазір Глубокое ауданы) Белокаменка ауылында дүниеге келген.

13 жасынан бастап Сталин атындағы колхозда жұмыс істеді. Аспазшы, есепші, астық жинау жұмыстарын атқарды. 1947-1949 жж. егін жинауда звеношы болды. Звено құрамында сегіз жас қыз болды. Олар әр гектардан 30 центнер дән жинауға міндеттеме алды. Звено 20 гектар жерден 32,4 центнерден бидай алып, міндеттемелерін артығымен орындады.

Астық оруда мол өнім жинап, жоғары көрсеткішке қол жеткізгені үшін КСРО Жоғарғы Кеңесі Президиумының 1949 жылғы 20 мамыр Жарлығымен Зинаида Васильевна Резниковаға Социалистік Еңбек Ері атағы берілді.

1949 жылы З.В.Резникова күздік бидайдың әр гектарынан 29,2 центнерден мол өнім алды. Жаздық бидаймен бірге алғанда барлығы 1341 центнер ақ бидай жинады.  

Ауылшарушылығы көрмелеріне қатысты. Кейін колхозшы, көкөніс бригадасының бригадирі болды.

Зинаида Васильевна радио және баспасөз арқылы өз іс-тәжірибесімен бөлісті. Еңбек ерінің озат тәжірибесін еліміздің ауылшаруашылығы Министрлігі насихаттап, таратты.  

З. В. Резникова ұзақ жылдар бойы үгітші болып жұмыс істеді. Қазақ ССР Жоғарғы Кеңесі және Еңбекшілер депутаттарының облыстық кеңесіне депутат болып сайланды. Зинаида Васильевна жыл сайын «Заря коммунизма» колхозында егін жинау жұмыстарына қатысты .

«Қажырлы еңбегі үшін» (1944) медалімен марапатталған.

Деректер

Источники

Шығыс Қазақстан облысы [Мәтін] : энциклопедия. - Алматы : Қазақ энциклопедиясы, 2014. – Резникова Зинаида Васильевна: б. 633.

Герои Социалистического Труда - казахстанцы [Текст].

Т. 1. - Алма-Ата : Казахстан , 1969.

Резникова Зинаида Васильевна [Электронный ресурс] : [биография] // Государственный архив Восточно-Казахстанской области : сайт. – Режим доступа : http://e-arhiv.vko.gov.kz/kk/SiteGallery/Album?albumId=42 (10.01.2018)