Омаров Ғ. О.

Жаңартылды 28.02.2019 23:20

Омаров Ғайнолла Омарұлы (1910-ө.ж.б.) – колхоз бастығы, Ұлы Отан соғысына қатысқан, Социалистік Еңбек Ері.

1910 жылы Шығыс Қазақстан облысы Большенарым ауданы (қазір Катонқарағай ауданы) Балғын ауылында шаруа отбасында дүниеге келген.

1930 жылы әкесімен бірге «Суық шат» ауылшаруашылығы артелінде жұмыс істейді. Есепші, ауылдық кеңес хатшысы және изба-читальня меңгерушісі болады. Ұлы Отан соғысына қатысқан. 1944 жылы майданда КПСС мүшелігіне өтеді. 1945 жылы соғыстан оралған.

«Балғын» (кейін «Абай») мал фермасының меңгерушісі болды.

Артельде үш жыл ішінде 1,5 мың гектар жер тыңайтылып, егіндік алқап көлемі 7 мыңнан аса гектар жерге ұлғайды. Жыл өткен сайын колхозшылардың мәдени-тұрмыстық жағдайы жақсара түсті. Электр станциясы, клуб, мектеп, емхана салынды.  

1948-1960 жж. «Париж коммунасы», Андреев атындағы, Абай атындағы колхоздарды, ал, 1961 жылы «Қазақстанның 40 жылдығы» атындағы совхоз бөлімшесін басқарды.

1956 жылы көктемгі егіс жұмыстары бар жоғы 10 күнде аяқталды. Сол жылы колхоз астықтан мол өнім алды. Егін өнімі әр гектардан 15,1 центнер, ал, бидай – 16 центнер құрады. Колхоз астық дайындау жоспарын ауданда бірінші болып мерзімінен бұрын орындап, мемлекетке 300 мың пұт астық өткізді. Колхоздың қаржылық табысы 334, 7 мың рубль құрады. Сүт өнімдерін өндіру 1954 жылман салыстырғанда 30 пайызға артты.

Мемлекетке ауыл шаруашылығы өнімдерін өткізуде қол жеткізген жетістіктері үшін КСРО Жоғарғы Кеңесі Президиумының 1957 жылғы 11 қаңтар Жарлығымен Ғайнолла Омарұлы Омаровқа Социалистік Еңбек Ері атағы берілді.

Деректер

Источники

Шығыс Қазақстан облысы [Мәтін] : энциклопедия. - Алматы : Қазақ энциклопедиясы, 2014. – Омаров Ғайнолла: б. 588.

Герои Социалистического Труда - казахстанцы [Текст].

Т. 1. - Алма-Ата : Казахстан , 1969.

Багаутдинов, Ш. Аллея Героев в Улкен Нарыне [Текст] : [об открытии Аллеи Героев Советского Союза] / Ш. Багаутдинов // Рудный Алтай. - 2015. - 16 декабря. - С. 10.

Улица имени Гайнуллы Омарова [Текст] : [о герое Соц.Труда в с. Коктерек Катон-Карагайского района] // Рудный Алтай. - 1998. - 14 марта.

Тохтарова, В. Батыр жұлдыздары [Мәтін] / В. Тохтарова // Еңбек туы - Знамя труда. - 1987. - 12 март.

Омаров Гайнолла Омарович [Электронный ресурс] : [биография] // Государственный архив Восточно-Казахстанской области : сайт. – Режим доступа : http://e-arhiv.vko.gov.kz/kk/SiteGallery/Album?albumId=42 (25.01.2018)

Омаров Гайнолла Омарович [Электронный ресурс] : [биография] // Википедия – открытая энциклопедиясы : сайт. – Режим доступа : https://ru.wikipedia.org/wiki/Омаров,_Гайнолла_Омарович

(25.01.2018)

Омаров Гайнолла Омарович [Электронный ресурс] : [биография] // Официальный сайт Акима Катон-Карагайского района Восточно-Казахстанской области : сайт. – Режим доступа : http://katon-karagay.vko.gov.kz/ru/culture1_03.htm (25.01.2018)