Бейсембаев М.

Жаңартылды 21.02.2019 16:31

Бейсембаев (Бейсенбаев) Мұратхан (1926-1998) – айналмалы пеш машинисі, Социалистік Еңбек Ері.

1926 жылы 2 наурызда Семей облысы (қазір Шығыс Қазақстан облысы) Абай ауданы Қайнар ауылында дүниеге келген.

Еңбек жолын 1943 жылы Абыралы аудандық атқару комитетінде нұсқаушы болып бастаған. 1945-1950 жж. Совет Армиясы қатарында әскери борышын өтеді. 1951-1958 жж. Семей облысы Абыралы ауданында партия және комсомол жұмыстарын атқарды. 1958 жылы Семей цемент зауытында машинист көмекшісі, айналмалы пеш машинисі болып жұмыс істеді.

Цехтың айналмалы пеші машинисі кезінде М. Бейсембаев жоғары сапалы клинкер (отқа төзімді кірпіш) шығарды. Сегізінші бесжылдық жылдары ол пештің жоспардағы 150- орнына, 240 тәулік тоқтаусыз жұмыс істеуіне қол жеткізіп, соның есебінен жыл сайын шамамен 64 мың рубль үнемделді.

Цех пешінің машинистері М. Бейсембаевтың бастамасымен бір адамның екі пеште жұмыс атқаруына көшуді ұсынды, ал, ол 18 мың рубль үнем береді. Пештің сағаттық өнімділігі 0,5 тоннаға өсті, ал, ол жоспардан тыс төрт тонна клинкер шығаруға мүмкіндік береді. Үш пеште жылу алмасу, көмір диірмені және жылу әзірлеу жүйесін жетілдіру есебінен өндіріс мәдениеті артты. Ұжым осы маңызды резервті пайдаланып қаптама беріктігін 200 тәулікке кеңейтті, ал, жылу шығыны әр тоннаға 11 килограмм азайды. Сол арқылы жыл сайын 10 мың тонна көмір үнемделеді.

КСРО Жоғарғы Кеңесі Президиумының 1971 жылғы 7 мамыр Жарлығымен Мұратхан Бейсембаевқа еңбектегі ерлігі және сегізінші бесжылдық жоспарын артығымен орындағаны үшін Социалистік Еңбек Ері атағы берілді.

Екі Ленин ордені және «Қажырлы еңбегі үшін. Владимир Ильич Лениннің туғанына 100 жыл толуынабайланысты» медалімен(1970) марапатталды.

М. Бейсембаев 1973-1977 жж. облыстық Еңбекшілер депутаттары Кеңесінің депутаты, 1985 ж. – КПСС XXIV съезі, Қазақстан Компартиясы обкомының бюро мүшесі.

1990-1996 жж. зейнетке шыққаннан кейін мүгедектер қоғамында жұмыс істеді.

1998 жылы 3 шілдеде Семей қ. қайтыс болды.

Деректер

Источники

Шығыс Қазақстан облысы [Мәтін] : энциклопедия. - Алматы : Қазақ энциклопедиясы, 2014. – Бесембаев Мұратхан: б. 259.

Герои Социалистического Труда - казахстанцы [Текст].

Т. 5. - Алма-Ата : Казахстан , 1985. – 592 с.

Бейсенбаев Муратхан [Электронный ресурс] : [биография] // Википедия – открытая энциклопедиясы : сайт. – Режим доступа : https://ru.wikipedia.org/wiki/Бейсенбаев Муратхан (01.02.2018)