Байзақов У.

Жаңартылды 21.02.2019 16:24

Байзақов Уәлхан (1933-2001) - бақташы, Социалистік Еңбек Ері.

1 қаңтар 1933 жылы Шығыс Қазақстан облыс Тарбағатай ауданы, Ақсуат ауылында дүниеге келген. 1947 жылдан жұмысшылардың тұтынушылар қоғамында жұмысшы, 1958-1994 жылдары «Көкпекті» және «Сұлутал» кеңшарларында бақташы, аға бақташы болып, жемісті еңбек еткен. Әр жүз сиырдан 100-110 бұзаудан алып отырған.

1969, 1970, 1975 жылдары КСРО ХШЖК-не қатысқан. Бірнеше рет аудандық, облыстық кеңеске, 1981 жылы Қазақстан Компартиясы XV сьезіне депутат болып сайланған.

1966 жылы 22 наурызда КСРО Жоғары Кеңесінің Жарлығымен Социалистік Еңбек Ері атағы берілген.

Байзақов У. Қазақ КСР Мемлекеттік сыйлығының лауреаты. Ленин, Қазан революциясы, Еңбек Қызыл Ту, 2, 3-дәрежелі Еңбек Даңқы ордендерімен, бірнеше медальдармен марапатталған.

Есімі Қазақ КСР-інің Алтын құрмет кітабына жазылған.

Деректер

Источники

Шығыс Қазақстан облысы [Мәтін] : энциклопедия. - Алматы : Қазақ энциклопедиясы, 2014. – Байзақов Уәлхан: б. 238.