Байсейітов О.

Жаңартылды 21.02.2019 16:31

Байсейітов Оспан (1910 -1977) – шопан, жылқышы, Социалистік Еңбек Ері, Ұлы Отан соғысына қатысқан.

1910 жылы Шығыс Қазақстан облысы Зайсан ауданы Жарсу ауылында дүниеге келген. 1941 жылға дейін «Правда» колхозында шопан болды. Ұлы Отан соғысына қатысқан. Соғыстан кейін Зайсанға оралып, «Освобождение» колхозы мен «Мичурин» совхозында (1946-1977) жылқышы болып істеді. 1947 жылы 74 биеден 74 құлын, 1949 ж. - 80 биеден 80 құлын алып, ауыл шаруашылығында ең биік жетістікке жетеді.

Халық шаруашылығы жоспарын артығымен орындап, ауыл шаруашылығы саласында жоғары нәтижелер көрсеткені үшін КСРО Жоғарғы Кеңесі Президиумының 1948 ж. 23 шілдедегі Жарлығымен Оспан Байсейітовке Социалистік Еңбек Ері атағы берілді.

2і Ленин ордені, Қызыл Жұлдыз ордені, медальдармен, Қазақ ССР Жоғарғы Кеңесінің Құрмет Грамотасымен марапатталған (1951).

1977 ж. 17 қаңтарда қайтыс болды.

Деретер

Источники

Шығыс Қазақстан облысы [Мәтін] : энциклопедия. - Алматы : Қазақ энциклопедиясы, 2014. - Байсейітов Оспан: б. 240.