Бекқазина М. А.
- Жаңартылды 21.04.2022 12:07
Бекқазина Марина Амангелдіқызы (1968) – 1986 жылғы Желтоқсан оқиғасына қатысушы.
Бекқазина Марина 1968 жылы 29 желтоқсанда Шығыс Қазақстан облысы, Аягөз қаласында дүниеге келген.
1986 жылы Марина Семейдің Н.Крупская атындағы мемлекеттік педагогикалық институтының бірінші курсында оқиды. Институттың 3-ші жатақханасында тұратын. 1986 жылы 16 желтоқсанда Марина мен екі студент қыз жатақхананың алдына «Қазақтар да халықты басқара алады» деген жазуы бар Колбинның үлкен суретін іліп қойдық. Ертеңінде институтқа үш адам келіп, курс жетекшісіне жолығып, Марина мен курстас екі қызды «Балалар бақшасына апарамыз» деп алып кетті. Бірақ үшеуін орталықтағы үлкен темір қақпалы ғимаратқа апарады. Үшеуін үш бөлек әкетеді. Ертеңінде олардан түсініктеме алып, тергеуші Маринаны ұйымдастырушы ретінде тергей бастайды. Аягөзден әке-шешесін шақыртады. Өзін ректорат оқудан шығарып, оған қоса комсомол қатарынан босатады.
Семейде оны жұмысқа алмайды алмайды, жұмысқа түсе алмай жүргенде, милициядан шақырту қағаз келіп, Маринаны әке-шешесіне «қызыңды ешқайда шығармайсың» деп қатаң тапсырады. Осылайша 16 жасар Марина «ұлтшыл, тәртіпсіз, бұзақы» аталған.
Тәуелсіздік алған соң, Марина қайта оқуын жалғастырып, Семей облыстық Ұлттық қауіпсіздік комитетіне барып, мұрағаттан қағаздарын қайтарып алған.
Аталмыш жоғарғы оқуын бітіріп, бастауыш сыныптар мұғалімі мамандығы бойынша жұмыс жасайды. Марина Бекқазина жиырма жылдан бері қалалық қазақ мектеп-гимназиясында жас бүлдіршіндерді білім нәрімен сусындатып келе жатқан тәжірибелі маман, ұстаз. Өскелең ұрпаққа Отансүйгіштік рухта тәрбие беруді өзіне міндет етіп қойған.
(Бекен Малдыбаевтың Аягөз жаңалықтарынан алынды, 2017 жыл,16 желтоқсан).
