Негодаев Ю. Ю.
- Жаңартылды 23.06.2018 10:33
Негодаев Юрий Юрьевич (1965 г.) – суретші, график.
1965 жылы Шығыс Қазақстан облысы Семей қаласында дүниеге келген. Н.К.Крупская атындағы Семей педагогикалық институтының көркемсурет-графика факультетін бітірді (1989, қазір Шәкәрім атындағы Семей мемлекеттік педагогикалық университеті). 1990-жылдардың басында Өскемен қаласының көркемсурет мектептерінде сабақ берді.
1990-жылдары Ресей, Қазақстан, Германия, АҚШ, Ұлыбританияда өткен көрмелерге қатысты. Метафоралық таңбалы-бейнелеу өнерімен айналысады.
1993 жылдан бері Ресейдің Владимир қаласында тұрады. Изостудия жетекшісі.
Юрий Негодаевтың есімі Лондонда шығатын LCA халықаралық каталогына енген (суретшілер рейтингін анықтайтын каталог ең танымал музейлер мен галереяларға жіберіледі). Суреттері Иллинойск университетінің (Блюмингтон-Нормал, АҚШ), «Гала-Галери» (Магдебург, Германия), “Solana Fine Art” (Лондон, Англия) тәрізді заманауи өнер галереяларында, Ресей, АҚШ, Германия, Чехия, Англия, Иерусалим, Токио, Амстердам жеке коллекцияларында сақтаулы.
Деректер
Источники
Бережко, А. Райский сад Юрия Негодаева [Текст] / А. Бережко // Рудный Алтай. - 2006. - 24 март. - С. 8.
Перцева, Н. Райский сад Востока [Текст] / Н. Перцева // Наше дело. - 2015. - 12 ноября. - С. 9.
Негодаев Юрий Юрьевич [Электронный ресурс] // Восточно-Казахстанский областной музей искусств : сайт. – Режим доступа : http://www.vkmi.kz/index.php/ru/?option=com_tz_portfolio&view=article&layout=edit&id=376 (15.06.2018)
