Жылқайдаров З.

Жаңартылды 06.04.2022 15:15

Жылқайдаров Зайнел (1912-ө.ж.б.) – гвардия кіші сержанты, 1-ші Украина майданы Суворов ордені атындағы дивизия 121 гвардиялық Гомель Қызылтулы атқыштар полкы 342 пулемет ротасы бөлімі командирінің орынбасары, Ұлы Отан соғысына қатысқан, Кеңес Одағының Батыры атағына ұсынылған.

1912 жылы Шығыс Қазақстан облысы Жарма ауданында дүниеге келген.

Семей облысы (қазір Шығыс Қазақстан облысы) Жарма аудандық әскери комитетінің шақыруымен Қызыл Армия қатарына өтті.

Гвардия кіші сержанты, 1-ші Украина майданы Суворов ордені атындағы дивизия 121 гвардиялық Гомель Қызылтулы атқыштар полкы 342 пулемет ротасы бөлімі командирінің орынбасары әскери қызметін атқарды.

Одер өзенінен алғашқы қатарда өтіп, 1945 жылы 27 қаңтарда пулеметімен жауға қарсы оқ жаудырып, басқа бөлімшелердің өзеннен өтуін қамтамасыз етті.

Неміс басқыншыларымен ұрыста көрсеткен ерлігі үшін «Кеңес Одағының батыры» атағына ұсынуға лайықты.

342-гвардиялық атқыштар полкының командирі, подполковник Карташев» (наградаға ұсыну қағазынан, 1945 ж. 29 қаңтар).

1945 жылы 11 сәуірде (бұйрық № 024/н) Жылқайдаров Зайнел 3-дәрежелі Богдан Хмельницкий орденімен марапатталды.

342 гвардиялық атқыштар полкы бойынша 1944 жылы 4 шілде № 10/н Жарлығымен «Ерлігі үшін» медалімен марапатталды, 1944 жылы 22 қыркүйек № 21/н Жарлығымен 342 гвардиялық атқыштар полкы бойынша «Ерлігі үшін» медалімен марапатталды.

Қайтыс болған жылы мен күні белгісіз.

Деректер

Источники

Жилкайдаров Зайнель [Электронный ресурс] // Подвиг народа 1941-1945 : сайт. – Режим доступа : http://podvignaroda.ru/?#id=42450035&tab=navDetailManAward (03.04.2018)