Абакумов В. Я.
- Жаңартылды 06.04.2022 11:29
Абакумов Василий Яковлевич (1919-2001) – Ұлы Отан соғысына қатысушы, партизан.
1919 ж. 20 ақпанда Шығыс Қазақстан облысының Поперечное ауылында (Риддер қаласы әкімшілігінің құрамында) дүниеге келген. Ауыл мектебінен білім алған. 1938 ж. комсомол құрамына енген. Попереченскі балалар үйінде әртүрлі жұмысты атқарушы және ауылдық оқу үйінде басқарушы болған.
1939 ж. 27 қарашада Риддер аудандық әскери комиссариатымен Қызыл Әскер қатарына алынады. Атқыштар курсын Карело-Фин АКСР-нің Медвежьегорскі қаласында атқыштар батальонында өткен. 1940 ж. 10 қаңтарда әскери ант қабылдаған. Екі аптадан соң, 155-атқыштар дивизиясының 659-атқыштар полкі 18-барлау-пулемет ротасыныңфин майданына жіберіліп, қатардағы В. Абакумов әскери операцияларға қатысады. Екі айдан кейін, фин кампаниясы аяқталып, В. Абакумов кавалерлер полктік мектебіне жіберіледі. Оны аяқтаған соң, 1940 ж. соңында атты барлаушылар взводы командирінің орынбасары лауазымында және аға сержант атағымен өз полкіне оралады.
1941 ж. маусым айында 659-атқыштар полкі Барановичи (Белоруссия) қаласынан он сегіз шақырым жердегі жазғы лагерде орналасты. Соғыстың алғашқы күндері Брест қозғалысын бастайды. Полк пен дивизия төрт мәрте қоршауға алынып, төрт рет одан аз шығынмен сытылып отырған. Бесінші ретте Брянскі орманындағы қоршаудан шығу мүмкін емес еді. Таңертең Шемякино ауылының шетінде фашистердің қолына түсіп, соғыс тұтқындары лагеріне жөнелтіледі. Көрші ауылға бара жатқан жолда ол күзетшіден қашып шығады. 1941 ж. 25 қазанда Брянскі облысы, Брасовский ауданына қарасты жоғарыда аталған ауылда аға сержант Абакумов «Отан үшін» отрядының партизандар тобын кездестіреді. Ол бірден командиріне оны отрядқа алуын өтінеді. 1941 ж. 25 қазаннан – 1943 ж. 10 қыркүйек аралығында осы отряд құрамында болған. Осы отрядта оның болашақ жары Валентина Николаевна Орлова да болған. Сол отрядта 1943 ж. олардың қыздары Тамара дүниеге келеді.
1943 ж. 10 қыркүйекте Брасовскі ауданында халық кекшілдері Қызыл Әскердің бірер бөлігіне қосылады. 19 қыркүйекте Орел қаласында салтанатты түрде партизандар шеруі өтіп, оған В. Абакумов қатысады.
1943 ж. 1 қазанда В. Абакумов Халық шаруашылығын қалпына келтіру жөніндегі Брасовскі аудандық комсомол комитетінің хатшысы, 1944 ж. 25 сәуірден – Локотскі ауылдық Кеңесінің төрағасы болып тағайындалады.
1945 ж. 7 ақпанда Василий Абакумов пен оның жары Валентина Николаевна «Партизан Отечественной войны» медалімен марапатталады.
1945 ж. 8 наурызда В. Абакумов қайтадан Кеңес Әскеріне шақырылып, Горький қаласында (қазіргі Нижний Новгород) 16-жеке танкілік оқу полкінде қызмет етеді. 1945 ж. қыркүйектен – 1956 ж. тамыз аралығында № 37 әскери базасында және №608 ұшу базасында мерзімнен тыс қызметте болады.
1949 ж. 3 тамызда Василий Яковлевич Абакумов Қызыл Ту орденімен және «За победу над Германией в Великой Отечественной войне 1941-1945 годов» медалімен, 1950 ж. 27 наурызда – Қызыл Жұлдыз орденімен марапатталған.
1950 ж. қыркүйек айынан Лениногорскіде (қазіргі Риддер қ.) Қалалық Ішкі істер бөлімінде жұмыс істеген. 1958 ж. 5 сәуірде қоғамдық тәртіпті сақтауға қосқан үлесі үшін старшина В. Абакумов «Отличник милиции» белгісімен марапатталып, 1961 ж. 13 қыркүйектен запасқа шыққан.
1961 ж. қарашадан В. Абакумов Лениногорскі полиметалл комбинатында жөндеу-механикалық базасында № 1 болат құю цехінің карбид бөлімінде қызмет атқарады. Мұнда ол 1973 жылдың 11 желтоқсанына дейін жұмыс істеп, зейнеткерлікке шыққан. Жастарды әскери-патриоттық тәрбиелеуге бағытталған іс-шараларды өткізуге белсенді араласып, мектеп, жоғары оқу орындары оқушыларымен жиі кездесіп отырған. 2001 ж. 14 қазанда дүниеден өткен.
Деректер
Источники
Немцев, М. Шумел сурово Брянский лес [Текст] : [об Абакумове В. Я.] / М. Немцев // Простор. - 2015. - № 5. - С. 130-136.
Рассказы, воспоминания наследников Победы [Электронный ресурс] : [об Абакумове В. Я.] // Ветераны Восточно-Казахстанской области : сайт. – Режим доступа : http://veteran-vko.kz/ru/memory02_01.htm (12.04.2017)
Немцев, М. Шумел сурово Брянский лес [Электронный ресурс] : [об Абакумове В. Я.] / М. Немцев // Простор : сайт. – Режим доступа : http://zhurnal-prostor.kz/assets/files/2015/2015-5/5---2015---11.pdf (12.04.2017)
Хроника важнейших событий 1941 года [Электронный ресурс] : [об Абакумове В. Я.] // Партизанское движение на Брянщине : сайт. – Режим доступа : http://old.bryanskobl.ru/projects/partisan/events1.php (12.04.2017)
Бубнов, Н. Подвиг за линией фронта [Электронный ресурс] : [об Абакумове В. Я.] / Н. Бубнов // Краевая общественно-политическая газета «Забайкальский рабочий» : сайт. – Режим доступа : http://забрабочий.рф/article/71461/ (12.04.2017)
