Қасымжанов Т. Ж.

Жаңартылды 06.09.2023 12:08

Қасымжанов Темірбек Жұмақұлұлы (1957 ж.т) – Өскемен қаласының экс-әкімі. Шығыс Қазақстан облысы Кәсіподақ орталығының төрағасы.

1957 жылы 20 тамызда Шығыс Қазақстан облысы, Зайсан ауданы, Жарсу ауылында дүниеге келген.

1981 жылы Томск инженерлік-құрылыс институтын инженер-құрылысшы мамандығы бойынша, 1998 жылы Д. Серікбаев атындағы Шығыс Қазақстан мемлекеттік техникалық университетін инженер, экономист, менеджер біліктілігімен тәмамдаған. Еңбек жолын 1974 жылы Шығыс Қазақстан облысы, Зайсан ауданы «Қарабұлақ» кеңшарында жұмысшы болып бастаған. Институтты бітіргеннен кейін 1981 жылы ШҚО тұрғын үй-коммуналдық шаруашылық инженері, кейін ұқсас қалалық құрылымның бас инженері болып жұмыс істеді.

1986 жылдан – қоғамдық жұмыста, Өскемен қаласы қалалық коммуналдық шаруашылығының Біріккен кәсіподағының төрағасы, 1989 жылдан - ШҚО ТКШ өндірістік бірлестігінің жетекші инженері. Еңбек өмірбаянының келесі жеті жылы - Өскемен қаласы Октябрь аудандық Әкімшілігінің басшылық лауазымдарында.

1996 жылдан бастап сектор меңгерушісінен, бөлім бастығынан бастап Шығыс Қазақстан облысының құрылыс және сәулет басқармасы бастығының орынбасарына дейінгі барлық кезеңнен өтті. 2007 жылы Шығыс Қазақстан облысы құрылыс басқармасының бастығы болды.

2008-2009 жылдары - Шығыс Қазақстан облысының облыс орталығының әкімі.

2009-2013 жылдары - Шығыс Қазақстан облысы Жарма ауданының әкімі.

2013-2016 жылдары - Өскемен қаласының әкімі.

2016 жылдың маусым айынан - Шығыс Қазақстан облысы, Зайсан ауданының әкімі.

2019 жылғы 19 сәуірден бастап – «Шығыс Қазақстан облысының Кәсіподақ орталығы» аумақтық кәсіподақтар бірлестігінің төрағасы.

«Құрмет» орденімен (2011 ж.) және екі мерейтойлық медальмен марапатталған.

2023 жылғы 29 тамызда Темірбек Жұмақұлұлы Қасымжановқа «Өскемен қаласының Құрметті азаматы» атағы берілді.

                        Т. Ж. Касымжановтың мерзімді басылымдар мен жинақтардағы мақалалары
                        Публикации Касымжанова Т. Ж. в периодических изданиях и сборниках

Қасымжанов , Т. Әди Шәріповтың есімін есте қалдыру мақсатында Жармада игі шаралар жүзеге асты. // Дидар. - 2013. - 11 қаңтар. - Б. 3.
Қасымжанов , Т. Зайсан заманауи үрдісте дамып келеді. // Дидар. - 2016. - 24 желтоқсан. - Б. 6. Аудан әкімі тағайындалды. // Рауан-Восход. - 2009. - 17 сәуір. - Б. 1.
Касымжанов, Т. Смотрим в будущее с оптимизмом. // Рудный Алтай. - 2008. - 30 авг. - С. 3.
Касымжанов, Т. (Аким города Усть-Каменогорска). Город-мечта: интервью. // Устинка плюс . - 2013. - 12 сентября. - С. 1
Касымжанов, Т. (Аким города Усть-Каменогорска). Город развивается и растет. // Рудный Алтай. - 2015. - 31 декабря. - С. 10
                                   Мақалалар – Статьи о Касымжанове Темирбеке Жумакуловиче

Скрипниченко, Виктор. Каким был аким? Кто управлял Усть-Каменогорском последние 30 лет. // Устинка плюс. - 2021. - 12 августа. - С. 8-9