Ақанов С.

Жаңартылды 22.06.2026 15:44

Ақанов Сағынбек (1944) – Қазақстанның еңбек сіңірген қайраткері, Өскемен қалалық ардагерлер кеңесі төрағасының орынбасары.
10 тамыз 1944 жылы Шығыс Қазақстан облысы, Тарбағатай ауданының Ақанбозша ауылында дүниеге келген. Ақжар ауылындағы Абай атындағы орта мектепті тәмамдағаннан кейін, 1964 жылы Семей педагогикалық институтына оқуға түседі. Алайда екінші курста Кеңес Армиясы қатарына әскери қызметке шақырылады. Әскерден оралған соң еңбек жолын аудандық газетте тілші болып бастап, кейін бөлім меңгерушісі қызметін атқарды.
1970 жылы Сағынбек Ақанов Алматы жоғары партия мектебіне оқуға түсіп, оны 1974 жылы ойдағыдай аяқтайды.
1974–1997 жылдары Тарбағатай аудандық партия комитетінің үгіт-насихат бөлімінің меңгерушісі, Тұғыл кентінің әкімі және Тарбағатай ауданы әкімінің орынбасары қызметтерін атқарды. Қазақстан тәуелсіздігінің алғашқы қалыптасу кезеңіндегі күрделі жылдары білім беру, денсаулық сақтау, әлеуметтік сала және мәдениет бағыттарындағы терең білімі мен тәжірибесінің арқасында көптеген әлеуметтік мәселелерді шешуге белсене ат алысты.
1997 жылы облыс аудандарын қайта ұйымдастыруға байланысты Сағынбек Ақанов Шығыс Қазақстан облысы Ұлан ауданының мәдениет және тілдерді дамыту бөлімінің меңгерушісі қызметіне ауыстырылды. Бұл қызметте 2008 жылдың ақпан айына дейін еңбек етіп, зейнеткерлік демалысқа шықты.
Ұлан ауданының Таврия өңіріндегі елді мекендердің тарихи ономастикалық атауларын зерттеуге арналған «Туған өлке туралы не білеміз?» атты өлкетану еңбегінің авторы. Осы зерттеулердің негізінде оннан астам елді мекенге тарихи атаулары қайтарылды.
2010 жылдың ақпан айында облыстық Достық үйі жанынан «Алтын арқау» қоғамдық бірлестігін құрып, бүгінгі күнге дейін оның төрағасы қызметін атқарып келеді. Сонымен қатар, саяси қуғын-сүргін құрбандарын еске алу күніне арналған материалдарды жинақтау жөніндегі облыстық комиссияны басқарды.
1937–1938 жылдардағы саяси қуғын-сүргін құрбаны болған 4000 адамның есімі енгізілген «Азалы кітап» (2011) жинағының редакторы, сондай-ақ «Ғасыр көші» (2013) кітабының редакторы.
2014 жылдың шілде айынан бастап облыстық ардагерлер кеңесінің ұсынысымен Өскемен қалалық ардагерлер кеңесі төрағасының орынбасары қызметіне тағайындалды.
2004 жылғы 24 қазанда С. Ақановқа «Қазақстан Республикасының еңбек сіңірген қайраткері» құрметті атағы және 2024 жылы «Шығыс Қазақстан облысының Құрметті азаматы» атағы берілді.

С. Ақановтың қатысуымен шыққан басылымдар
Издания, вышедшие при участии Аканова С.

Азалы кітап (атылғандар тізімі): Шығыс Қазақстан облысы ойынша. - Өскемен : Рекламный Дайджест, 2011. - 296 б.

С. Ақановтың мерзімді басылымдар мен жинақтардағы
мақалалары
Публикации Аканова С. в периодических изданиях

Ақанов, С. Аяулы азамат - ел есінде: [Тарбағатай ауд.спортшы С.Қаленов туралы] / Ақанов С. // Тарбағатай нұры. - 1997. - 1 мамыр. - Б.
Аканов. С. Мәдениет- ауданның өмір айнасы. / Ақанов С. // Ұлан таңы. - 1999. - 24 сәуір. - Б.
Ақанов, С. Ауыл өнерімен ажарлы. / Ақанов С. // Дидар. - 2004. - 28 ақпан. - Б. 5

***

Аканов, С. Призвание - творить добро : [О работе учреждений культуры Уланского района] / Аканов С. // Уланские зори. - 1999. - 24 апр.

С. Ақановтың өмірі мен шығармашылығы туралы әдебиеттер
Литература о жизни и творчестве Аканова С.

С. Кунафиянов, Калым. Ұрпағыма ұлағат : [Ақанов Сағынбек туралы] / К. Кунафиянов. - 2022. - 176 б.

Мақалалар - Статьи

Ақанов, С. Ықпал ету өрісі кенейе бермек: Тарбағатай ауд.әкімінің орынбасары... әңгіме.Әңгімелескен А.Жанахметов] / Ақанов С. // Дидар. - 1997. - 25 ақпан.
Ақанов, С. Тәуелсіздігіміз баянды болса деймін : мәтін / С. Ақанов. \ Сұхбат. И. Мейрамтай // Дидар. - 2020. - 1 қазан. - Б. 11.