Жанасылов Б.

Жаңартылды 21.02.2019 16:52

Жанасылов Бөжек (1936 ж.) – аға шопан, қойшы, Социалистік Еңбек Ері.

1936 ж. Семей облысы (Шығыс Қазақстан облысы) Үржар ауданы Тасбұлақ ауылында дүниеге келген.

1960 жылдан КПСС мүшесі. 1953 жылдан «Қаракөл» совхозында шопан, 1963 ж. – Семей облысы (қазір ШҚО) Аягөз ауданы «Қой шаруашылығы» совхозында аға шопан болған. Бөжек Жанасылов – Жанасыл Шақбаевтың ұлы. Бөжектің әкесі Социалистік Еңбек Ерлері Бекембаев Әбжан, Шпекбай Жақсыбаевпен бірге «Қаракөл» совхозының даңқын көтерді. Әкесінің тілегімен Бөжек Жанасылов шопан болады. Әкесінің тәлім-тәрбиесінен кейін, «Қой шаруашылығы» совхозының №1 фермасында отар алып, жеке жұмыс істейді. Б. Жанасылов адал еңбегімен социалистік міндеттемелері мен жоспарларын асыра орындайды. Сегізінші бесжылдықта 4960 қозы алып, әр қойдан 2,5 килограмм жүн қырыққан. 1970 ж. рекордтық нәтижеге жетті – әр жүз қойдан 171 қозы, орта есеппен бес жылда 156 қозы алды. Мал салмағы 35 килограммға жетті.

Ауыл шаруашылығы өндірісін дамытудағы жетістіктері және мемлекетке мал өнімдерін өткізу жоспарын орындағаны үшін, КСРО Жоғарғы Кеңесінің 1971 ж. 8 сәуірдегі Жарлығымен Жанасылов Бөжекке Социалистік Еңбек Ері атағы беріліп, Ленин ордені және «Орақ және Балға» алтын медалімен марапатталды.

«Октябрь Революциясы» ордені (1976), «Ерлік еңбегі үшін. Владимир Ильич Ленинніңтуғанына 100 жылтолуы құрметіне»  медалі және екі КСРО ВДНХ алтын медальдарымен марапатталды. Қазақ ССР ауыл шаруашылығына еңбегі сіңген жұмысшы атағы бар.

Деректер

Источники

Герои Социалистического труда – казахстанцы [Текст]. - Алма-Ата : 1985.