Ибраев Б. И.

Жаңартылды 28.02.2019 22:45

Ибраев Бәкір Ибрайұлы (1905-1965) – құрылысшы, құрметті құрылысшы, Социалистік Еңбек Ері.

1905 жылы Қарағанды облысы Қарқаралы ауданы Темірші ауылында дүниеге келген. 1920 ж. соңына қарай Түркістан-Сібір теміржолы, кейін Үлкен Риддер құрылысына қатысады.

1935 жылы Риддер совпартшколды, ал, 1937 жылы Алматыдағы республикалық кәсіподақ қозғалысы мектебін бітіреді. Шығыс Қазақстанның көптеген ірі жаңа құрылысына қатысады. Соғыс қарсаңында Бәкір Ибраев стахановтық еңбекті ұйымдастырады.  

Өскемен қаласында «Алтайсвинецстрой» тресінің байырғы бетоншы жұмысшысы, озат әдіскер нұсқаушы Бәкір Ибрайұлының қолының ізі қалмаған бірде бір өндірістік кәсіпорын немесе құрылыс жоқ. Ол еліміздің түсті металлургия флагманы В. И. Ленин атындағы Өскемен қорғасын-мырыш комбинатының (қазір Казцинк ЖШС) алғашқы корпусын қалауға қатысты. Сонымен бірге, машина жасау, конденсатор және тағы басқа зауыттар құрылысына қатысып, ірі металлургия алыбы – Өскемен титан-магний комбинатында еңбек етті.

Құрылыста ұзақ жыл еңбек еткен Б. И. Ибраев бетон және тағы басқа жұмыстарға

жаңашылдық енгізіп, мемлекеттің миллионнан аса /рубль/ қаржысын үнемдеді. Ол жүздеген адамды құрылысшы мамандығына оқытып-үйретті.

1951 жылы оған Құрметті құрылысшы атағы берілді.

КСРО Жоғарғы Кеңесі Президиумының 1958 ж. 9 тамыз Жарлығымен Бәкір Ибраевқа Социалистік Еңбек Ері атағы берілді.

Б. И. Ибраев үлкен қоғамдық-саяси жұмыстармен айналысты: Қазақстан Компартиясының IX, X және XI съездерінің делегаты, Қазақстан Компартиясы Орталық Комитеті мүшесі, Өскемен қалалық және Шығыс Қазақстан блыстық еңбекшілер депутаттары Кеңесі мүшесі болып сайланды.

1965 жылы Риддер қаласында қайтыс болды.

Деректер

Источники

Шығыс Қазақстан облысы [Мәтін] : энциклопедия. - Алматы : Қазақ энциклопедиясы, 2014. – Ибраев Бәкір: 374.

Герои Социалистического Труда - казахстанцы [Текст].

Т. 1. - Алма-Ата : Казахстан , 1969.

Ильяшенко, Ю. Завидная профессия [Текст] / Ильяшенко Ю. - Алма-Ата : Казгослитиздат, 1961. - 338 с.

Ими гордится Казахстан [Текст]. - Алма-Ата : Казгосиздат, 1960. - 272 с.

Оркушпаева, Н. Строитель с большой буквы [Текст] : [о Герое Социалистического Труда Бакире Ибраеве (1905-1965)] / Н. Оркушпаева // Рудный Алтай. - 2015. - 14 авг. - c. 4.

Ибраев Бакир Ибраевич [Электронный ресурс] : [биография] // Государственный архив Восточно-Казахстанской области : сайт. – Режим доступа : http://e-arhiv.vko.gov.kz/kk/SiteGallery/Album?albumId=42 (10.01.2018)