Сидоров М. П.

Жаңартылды 01.02.2018 17:01

Сидоров Михаил Павлович (1927- ө.ж.б.) – колхоз председателі, Социалистік Еңбек Ері.

1927 жылы Шығыс Қазақстан облысы Киров ауданы Уварово селосында шаруа отбасында дүниеге келген.

Еңбек жолын 1942 жылы Куйбышев атындағы ауыл шаруашылығы артелінде бастады. 1947-1949 жж. звеношы болды. 1947 жылы звено 20 гектар жердің әр гектарынан 26 центнерден бидай алды, ал, 1948 жылы Ленин комсомолының 30-жылдығына арналған социалистік жарысқа қатысып, мол астық жинады (21 гектар жерден 29,5 центнер өнім алды).

КСРО Жоғарғы Кеңесі Президиумының 1949 жылғы 20 мамыр Жарлығымен М.П. Сидоровқа Социалистік Еңбек Ері атағы берілді.

1949 жылы М.П.Сидоров астықтан мол өнім алды.

1952 жылы Семейде колхоз басшыларын дайындайтын үшжылдық ауылшаруашылығы мектебін аяқтады. Кейін Куйбышев, Ярославский, Ушанов атындағы колхоздарда басшының орынбасары, басшылық қызметті атқарды. Киров ауданы (қазір Глубокое ауданы) «Ярославский» совхозының жұмысшы комитетін басқарды.

1964 ж. Таврия ауданы (қазір Ұлан ауданы) совхоз партия комитетінің хатшысы болды.

«1941-1945 жж. Ұлы Отан соғысындағы қажырлы еңбегі үшін», «Еңбектегі ерлігі үшін» және «Тың жерлерді игергені үшін» медальдары, екі Ленин ордені, Еңбек Қызыл ту орденімен марапатталды.

Қайтыс болған жылы мен күні белгісіз.

Деректер

Источники

Шығыс Қазақстан облысы [Мәтін] : энциклопедия. - Алматы : Қазақ энциклопедиясы, 2014. – Сидоров Михаил Павлович: б. 699.

Герои Социалистического Труда - казахстанцы [Текст].

Т. 1. - Алма-Ата : Казахстан , 1969.

Сидоров, М. Целинный подвиг продолжается [Текст] / М. Сидоров // Огни Прииртышья. - 1984. - 24 марта.

Интернет-сілтемелер

Интернет-ссылки

Сидоров Михаил Павлович [Электронный ресурс] : [биография] // Государственный архив Восточно-Казахстанской области : сайт. – Режим доступа : http://e-arhiv.vko.gov.kz/kk/SiteGallery/Album?albumId=42    (23.01.2018)