Демеубаев К.

Жаңартылды 21.02.2019 16:43

Демеубаев Қазыбек (1928 ж.) - жылқышы, Социалистік Еңбек Ері.

1928 жылы Шығыс Қазақстан облысы Тарбағатай ауданы, Көкжыра ауылында дүниеге келген. Еңбек жолын «Баспан» ұжымшары мен «Амангельді» кеңшарында жылқышы, бас жылқышы болып бастап, үздік көрсеткіштерге жеткен. 2 рет Қазақ КСР Жоғарғы Кеңесінің депутаты болып сайланды.

1983 жылы 21 желтоқсанда КСРО Жоғары Кеңесі Президиумының Жарлығымен Социалистік Еңбек Ері атағы берілді.

Қ.Демеубаев туралы жазушы А. Жүнісовтың «Жұлдызды жылқышы» атты кітабы жарық көрді. Қазіргі уақытта дербес зейнеткер, туған ауылында тұрады.

Ленин, Қазан революциясы, Еңбек Қызыл Ту ордендері, бірнеше медальдармен марапатталған. Тарбағатай ауданының Құрметті азаматы.

 Деректер

Источники

Шығыс Қазақстан облысы [Мәтін] : энциклопедия. - Алматы : Қазақ энциклопедиясы, 2014. – Демеубаев Қазыбек: б. 316.