Куликов В. А.

Жаңартылды 29.09.2025 08:53

Куликов Вадим Алексеевич – белгілі қазақстандық хоккейші, қорғаушы, команда капитаны және жаттықтырушы, 1960-1970 жылдардағы ойыншылар буынының жарқын өкілдерінің бірі. 

Ол 1944 жылы 29 қарашада Новосибирскіде дүниеге келген. 1962 жылы қарашада жаттықтырушы Вадим Алешковичтің шақыруымен Куликов Өскеменге досы Эдуард Петровскиймен бірге келіп, «Торпедо» хоккей клубында ойнай бастайды. Осы команданың құрамында ол өзінің ең жақсы жылдарын өткізді, бірнеше рет капитан болды және ең мықты қорғаушылардың бірі ретінде танылды. Спортшының өзі бірнеше жылдан кейін «Торпедодағы» 1962-1968 жылдарды өміріндегі ең бақытты және маңызды кезең деп бағалады.
Өз мансабында Куликов Қазақстанның бірнеше клубтарында ойнады: «Торпедо» (Өскемен) – 1962-1968, 1975-1976; «Автомобилист» және «Еңбек» (Алма-Ата) – 1968-1975; «Металлист» (Петропавл) – 1977-1979. Ол 18 маусымды бүкілодақтық аренада өткізді, 500-ден астам ресми матчта ойнады, кем дегенде 96 шайба түсіріп және 30-дан астам нәтижелі пас берді. 
Вадим Алексеевичтің спорттық жетістіктерінің қатарында КСРО біріншілігінің «Б» класы командалары арасындағы финалдық турнирдегі жеңісі (1963), Қазақ КСР чемпионаты (1963), «А» класының 2-тобының Шығыс аймағы командалары арасындағы КСРО біріншілігіндегі жеңісі (1968, 1972), Қазақ КСР Кубогын жеңіп алуы (1970, 1971) бар.
Куликов 1960 жылдардың ортасында Өскеменді қамтыған «хоккей бумының» қатысушысы болды. Жанкүйерлер Металлургтер көшесіндегі стадионды барынша толтырды, команданы тек матчтар кезінде ғана емес, күнделікті өмірде де қолдады. Сол кездегі атмосфера, хоккейшінің айтуынша, балалар мен жасөспірімдер хоккейінің дамуын анықтап, болашақ жұлдыздарды тәрбиеледі, олардың ішінде Борис Александров, Александр Корешков, Евгений Набоков және т.б.
Ойыншы ретіндегі мансабын аяқтағаннан кейін Вадим Куликов көптеген жылдар бойы шеберлер командаларында және балалар мен жасөспірімдер спорт мектептерінде жаттықтырушы болып жұмыс істеді, сонымен қатар Бүкілодақтық «Алтын шайба» турнирінің бас төрешісі болды.
Бүгінде Вадим Алексеевич Куликовтың есімі қазақстандық хоккей тарихында лайықты орын алады, ал оның спорттық өмірбаяны Өскемендегі Торпедо" және бүкіл отандық хоккей шежіресінің маңызды бөлігі болып табылады.
Бүгінде Вадим Алексеевич Куликовтың есімі қазақстандық хоккей тарихында лайықты орын алады, ал оның спорттық өмірбаяны Өскемендегі «Торпедо» және бүкіл отандық хоккей шежіресінің маңызды бөлігі болып табылады.

В. А. Куликовтың өмірі мен қызметі туралы әдебиет
Литература о жизни и деятельности Куликова В. А.
Кітаптар – Книги

Куликов В., Сарсеков С. НеповТОРимый хоккей / В. Куликов, С. Сарсеков. - Алматы : Print-Express, 2024. - 112 с.

Біздің хоккей! = Наш хоккей! = Our Hockey!. - Новосибирск : Вояж, 2006. - 359 б.

Мақалалар – Статьи

Интернет ресурстары
Ресурсы интернет

Вадим Куликов: Без хоккея моя жизнь пуста… / Казахстанская правда : офоциальный сайт. - Текст : электронный // https://kazpravda.kz : [сайт]. - URL : https://kazpravda.kz/n/vadim-kulikov-bez-hokkeya-moya-zhizn-pusta (дата обращения : 29.11.2024) 

Вадиму Алексеевичу Куликову - 80! / Торпедо : официальный сайт. - Текст : электронный // https://hctorpedo.pro : [сайт]. - URL : https://hctorpedo.pro/torpedo/istoriya/oni-sozdavali-torpedo/6293-vadimu-alekseevichu-kulikovu-80.html# (дата обращения : 29.11.2024)