Мұхитдинова Б. Ә.

Жаңартылды 08.09.2022 10:20

МұхитдиноваБаян Әнуарбекқызы (1943 ж.) – профессор, химия ғылымдарының докторы.

1943 жылы Шығыс Қазақстан облысы Аягөз ауданында Аягөз қаласында туған.

Профессор, КСРОөнертапқышы (1979). Мәскеу мемлекеттік университетін (1965), Қазақстан Ғылым Академиясының Химия ғылымдары институтының аспирантурасын (1970) бітірген. Осы институтта кіші (1970–74), аға ғылыми қызметкер (1974–98) болып жұмыс істеген. 1999 жылдан бас ғылыми қызметкер. «Новые полимеры с ионообменными и окислительно-восстановительными свойствами на основе азотсодержащих мономеров» деген тақырыпта докторантуралық диссертацияқорғады.

Баян Әнуарбекқызы Мұхитдинованыңзерттеу жұмыстары нәтижесінде алынған ион алмастырғыштар ҚР Ұлттық ғылым академиясының Металлургияжәнекен байытуинститутында сынақтан өтіп, жоғары бағаланды.

300-ден астам ғылыми жарияланымның, 2монографияның және 60-тан астам КСРО авторлық куәліктері мен «Өнертапқыш әйелдер»1-халықаралық Көрмесіне (Женева,1998) қойылған Қазақстандағы №1, «Редоксит»патентінің авторларының бірі.

«Парасат»орденімен (2009) марапатталған.

Деректер

Источники

Шығыс Қазақстан облысы [Мәтін] : энциклопедия / бас ред. Б. Ө. Жақып. – Алматы : Қазақ энциклопедиясы, 2014. – Мұхитдинова Б. Ә.: б. 555.