Камасова З. А.

Жаңартылды 28.12.2021 12:02

Камасова Зарина Айдарханқызы (1962) – педиатр-дәрігер, офтальмолог-дәрігер, ҚР Парламент Мәжілісінінің VIІ шақырылым депутаты.

20 қарашада Украинаның Черкасск облысы, Умань қаласында дүниеге келген.

1990 жылы Семей мемлекеттік медицина институтының педиатрия мамандығын бітірген. Зарина Айдарханқызы денсаулық сақтау саласының біліктілігі жоғары санаттағы ұйымдастырушысы. Денсаулық сақтау саласындағы еңбек өтілі – 41 жыл. Институтты бітіргеннен кейін Семипалатинск (қазіргі Семей) қаласындағы облыстық офтальмологиялық ауруханада дәрігер – интерн болып қызмет атқарады (1990-1991). Кейін осы аурухананың офтальмолог дәрігері болады (1991-1994). 1994-1996 жылдары Семей мемлекеттік медицина институтының Көз аурулары кафедрасының ассистенті. Одан кейінгі жылдары Шығыс Қазақстан облыстық балалар ауруханасында офтальмолог-дәрігер болып жұмыс істейді. 1997 жылдан бастап «Ана мен бала орталығы» ШЖҚ КМК ШҚО штаттан тыс бас офтальмологы (1997-2013) және Өскемен қалалық Көз микрохирургиясы бөлімшесінің меңгерушісі қызметін қоса атқарады. 2013 жылдан бастап "Көз микрохирургиясы клиникасы" ЖШС бас дәрігері. 2014 жылдан 2020 жылға дейін аталған мекеменің директоры.

Партиялық қызметі: 2016 жылғы наурызда «Нұр Отан» партиясынан облыстық мәслихаттың депутаты болып сайланды, «Nur Otan» партиясының облыстық филиалының сайлауалды бағдарламасының «Денсаулық сақтау» бағыты бойынша комиссиясын басқарды. «Нұр Отан» партиясынан ҚР Парламенті Мәжілісінің депутаттығына Кандидат (14.12.2020 ж.), «Нұр Отан» партиясынан VIІ сайланған ҚР Парламенті Мәжілісінің депутаты, Әлеуметтік-мәдени даму комитетінің мүшесі (15.01.2021 ж. бастап).

Мемлекеттік және халықаралық наградалары, сыйлықтары, құрметті атақтары:

- ҚР ДСМ «ҚР үздік балалар офтальмологиялық қызметі» грамотасы, 2011 ж.;

- ҚР Президенті Н.Ә.Назарбаевтың Алғыс хаты;

- Облыс әкімінің грамоталары, 2003 ж. және 2017 ж.;

- Өскемен қаласы әкімінің грамотасы, 2018 ж.;

- 2016 жылдың желтоқсан айында «Денсаулық сақтау саласының үздігі» төсбелгісі;

- 12.04.2017 ж. «Үздік депутат» төсбелгісі;

- 2019 ж. «Шығыс Қазақстан мәслихаттарына 25 жыл» мерейтойлық медалі;

- 12.2018 ж. «Астана 20 жыл» мерекелік медалі;

- ҚР Президенті Қ. К. Тоқаевтың Алғыс хаты;

- «ШҚО Әйел басқаратын үздік кәсіпорын» байқауының жеңімпазы, 2013 ж.;

- 2020 ж. «Қаланың дамуына қосқан үлесі үшін» төс белгісі;

Зарина Камасованың белсенді қатысуымен қала мен облысты дамытудың мемлекеттік бағдарламалары бойынша сайлау округінің аумағында күрделі жөндеуден өтіп, мемлекеттік емхана ашылды, жедел медициналық жәрдем қызметі жұмысының көптеген мәселелері шешілді, мектептер мен балабақшалар салынды, жолдар салынды, балалар мен спорт алаңдары бар ондаған аулалар абаттандырылды.

 Интернет ресурстар

Интернет-ресурсы

Камасова Зарина Айдархановна [Электронный ресурс] //Официальный сайт Мажилиса Парламента РК: сайт. – Режим доступа: http://www.parlam.kz/ru/blogs/Kamasova/Biography

Главный офтальмолог ВКО призывает коллег включиться в праймериз [Электронный ресурс] : сайт. – Режим доступа: https://liter.kz/71246-2/

Құлжанов М. К.

Жаңартылды 16.02.2021 16:10

Құлжанов Мақсұт Кәрімұлы (1949) – медицина ғылымдарының докторы.

1949 жылы 10 тамызда Шығыс Қазақстан облысы, Аягөз ауданы, Сергиополь ауылында дүниеге келген.

1972 жылы Қарағанды медициналық институтын дәрігер-емдеуші мамандығы бойынша бітірген. Орталық жоғары оқу орнынан кейінгі білім беру институтында оқыған (Ресей) (1986);

Ғылыми атақтары, дәрежелері, қызметі:

Медицина ғылымдарының докторы, диссертация тақырыбы: «Өтпелі кезеңдегі денсаулық сақтауды реформалау мәселелерінің негіздемесі» (1993); Қоғамдық денсаулық сақтау профессоры (1995); Virginia Commonwealth University профессоры (АҚШ, 2004), Қоғамдық денсаулық сақтау Жоғары мектебінің профессоры (2014 жылдан бастап).

Әр жылдары жұмыс істеді орындары:

Республикалық клиникалық аурухананың дәрігері (1972-1973);

Эпидемиология, микробиология және инфекциялық аурулар ҚазҒЗИ кіші ғылыми қызметкері (1973-1975); Өлкелік патология ҚазҒЗИ аспиранты (1975-1978); кардиология ҚазҒЗИ ғылыми қызметкері, гигиена және кәсіптік аурулар ҚазҒЗИ кіші, аға, жетекші ғылыми қызметкері (1978-1987); Республикалық денсаулық сақтау орталығы бас директорының орынбасары (1987-1990); Гигиена және кәсіптік аурулар ҚазҒЗИ зертханасының меңгерушісі (1990-1992); Қазақстан Республикасы Денсаулық сақтау министрінің орынбасары (1992-1997);

Қазақстандық қоғамдық денсаулық сақтау жоғары мектебінің ректоры (07.1997-2011); ҚР ДСМ «Денсаулық сақтауды дамыту республикалық орталығы» ШЖҚ РМК Бас директоры, Бас директорының орынбасары (2011-2013); «Республикалық Медициналық Палата» ҚБ Басқарма Төрағасы (2013 жылдан); ДДҰ атқару комитетінің мүшесі (2000-2004); 05.2015 жылдан бастап. Қоғамдық денсаулық сақтау жөніндегі Азия-Тынық мұхиты академиялық консорциумының толық мүшесі (2002 жылдан бастап); ДДҰ Тұрақты комитетінің мүшесі (1994-1996); COHRED Басқарма мүшесі (2002 жылдан бастап); ASPHER, APAC PH Директорлар кеңесінің мүшесі (2002 жылдан бастап); Қоғамдық денсаулық сақтау мамандары Ұлттық қауымдастығының президенті (2002 жылдан); Қазақстан Республикасы Ұлттық денсаулық сақтау палатасының президенті( 06.2012); 2-сайланған Қазақстан Республикасы Парламенті Мәжілісінің депутаттығына кандидат (1999).

Келесі кітаптардың авторы: «Финансирование и медицинское страхование в условиях рынка» (1992), «Здравоохранение мира. Опыт для Казахстана» (1995), «Стратегия кадровой политики здравоохранения Казахстана» (1995), «Медицинское страхование в Казахстане» (1995), «Health in Transition in Kazakhstan» (1999), 160-тан астам ғылыми жарияланым авторы. Запастағы капитан.

Үйленген. Әйелі - Қадржанова Әлия Баекеевна (1949 ж.т.), медицина ғылымдарының кандидаты, дәрігер-невропатолог-ине терапевті, ҚР ҰҚК Шекара Қызметі әскери емханасының қалпына келтіру емі бөлімшесінің бастығы.

Қыздары – Құлжанова Айжан (1973 ж.т.), дәрігер; Құлжанова Жанар (1978 ж.т.), ҚР Сыртқы істер министрлігінің екінші хатшысы. Немересі - Айпара (2001 ж.т.)

М. К. Құлжановтың ғылыми еңбектері

Научные труды М. К. Кулжанова

М. Кулжанов Kazakhstan medical university "KSPH" // https://scholar.google.com/citations?user=GtF-2lUAAAAJ&hl=ru

Кульжанов, М.К., Исаев, Д.С., Абильдинова, Н.А. Оценка ресурсного оснащения медицинских организаций г. Алматы / М. К. Кулmжанов, Д. С. Исаев, Н. А. Абильдинова // II съезд терапевтов Республики Казахстан: материалы - Алматы: 2009. - № 3(23). - С. 91-92.

Кульжанов, М.К. Организация и проведение всемирного исследования здоровья в Казахстане / М.К. Кульжанов, С.Н. Кожабекова, Т.Ф.Балабаев // Центрально-Азиатский научно-практический журнал по общественному здравоохранению

//https://cyberleninka.ru/article/n/organizatsiya-sanitarno-epidemiologicheskogo-nadzora-v-hirurgicheskih-uchrezhdeniyah-aktyubinskoy-oblasti/viewer

Кульжанов М.К., Исаев Д.С., Абильдинова Н.А. Социологическая и экспертная оценка технического оснащения организаций здравоохранения Республики Казахстан /М. К. Кульжанов, Д. С. Исаев, Н. А. Абильдинова //Известия Вузов. - Бишкек, 2009. - № 4. - С. 115-117.

Құлжанова Ш. А.

Жаңартылды 28.10.2021 17:21

Құлжанова Шолпан Адлғазықызы (1964) – медицина ғылымдарының докторы, жұқпалы аурулар дәрігері

1988 жылы Семей мемлекеттік медицина институтының Емдеу факультетін бітірген. 1988 жылдан 1990 жылға дейін Семей мемлекеттік медицина институтының Инфекциялық аурулар кафедрасында клиникалық ординатурада оқыды, оны бітіргеннен кейін ассистент болып қабылданды, кейіннен доцент лауазымына ауыстырылды. 1997 жылы ҚР БҒМ ЖАК доцент ғылыми атағы берілді. 2006 жылдан 2009 жылға дейін Семей қаласының ММУ жұқпалы аурулар кафедрасы жанындағы докторантурада оқыды, 2009 жылдың қараша айында докторлық диссертация қорғап, медицина ғылымдарының докторы ғылыми дәрежесі берілді. 2012 жылдан 2013 жылға дейін – «Астана Медицина Университеті» АҚ инфекциялық аурулар және эпидемиология кафедрасының меңгерушісі болған. Жетекші республикалық және халықаралық басылымдарда жарияланған 130-дан астам жарияланымның, оның ішінде екі жарияланым халықаралық импакт-факторы бар журналдарда, орыс және қазақ тілдерінде «Инфекциялық аурулар бойынша анықтамалық» оқулығында, ҚР БҒМ бекіткен студенттер мен инфекционист дәрігерлерге арналған 2 әдістемелік ұсынымда, өнертабысқа ҚР 2 алдын ала патентінде, 6 рационализаторлық ұсыныста автор болып табылады. Еуразиялық инфекционистер қоғамының, әлеуметтік даму және денсаулық сақтау министрлігінің инфекциялық аурулар бойынша клиникалық хаттамаларды әзірлеу жөніндегі жұмыс топтарының мүшесі, Қарағанды медицина университеті жанындағы PhD-диссертацияларды қорғау жөніндегі Диссертациялық кеңестің мүшесі.

«2010 жылғы Семей қ. ММУ үздік оқытушысы» Құрмет грамотасымен, Алғыс хаттармен марапатталған.

Интернет ресурстар

Интернет-ресурсы

Кулжанова Ш. А. Названы основные меры защиты от коронавируса/ Ш. А. Кулжанова //сайт. - Режим доступа: https://www.inform.kz/ru/nazvany-osnovnye-mery-zaschity-ot-koronavirusa_a3709941

Кулжанова Ш. А. [Электронный ресурс] : [биография] //Официальный сайт медицинского университета Астаны: сайт. – Режим доступа: https://www.amu.kz/educational-activities/general_medicine/?BRUNCH_ID=29762

Баймұхамбетов Қ. Қ.

Жаңартылды 26.01.2021 12:18

Баймұхамбетов Қайрат Қажыманұлы (1964-2020) – дәрігер-эпидемиолог, ҚР Денсаулық сақтау ісінің үздігі

1964 жылы 16 қаңтарда Шығыс Қазақстан облысы, Күршім ауданы, Сарыөлең ауылында дүниеге келген. Ш. Уәлиханов атындағы Сарыөлең орта мектебін бітірген. Қарағанды мемлекеттік медицина институтының «гигиена, санитария, эпидемиология» факультетін, Шығыс Қазақстан мемлекеттік университетінің юриспруденция факультетін бітірген, санитарлық дәрігер-эпидемиолог, заңгер. Еңбек жолын 1991 жылы Көкшетау облысы Целинная теміржолында санитарлық дәрігер болып бастаған. Қ. Қажыманұлы тұтынушылардың құқықтарын сақтау қызметінің құрылуы мен дамуына зор үлес қосып, Күршім, Глубокое аудандарында, Ақмола өңірінде жемісті еңбек етті. 90 жылдардағы аумалы-төкпелі, нарықтың жаңа дамып келе жатқан кезінде халықтың денсаулығына зиянды азық-түлік, балалар киімі, ойыншықтар ағылып келе бастады. Сол кезде Қайрат Қажыманұлы зиянды қоспалары бар арақтың бірнеше партиясын анықтап, өз басына төнген қауіпке қарамастан сауда нүктелеріне жіберуге кедергі жасады. Саудаға шығатын жеміс-жидектердің, әсіресе қарбыз өнімдерінің нитраттарын тексеруді де бірінші болып қолға алған еді.

2001 жылы Глубокое ауданынң бас санитер дәрігері лауазымына ауысты. Осы ауданда 12 жыл қызмет атқарып, талай шешілмей келе жатқан экологиялық мәселелердің түйінін тарқатуға мұрындық болды. Аудандағы мыс қорыту зауытының экологиялық проблемасын шешуге, Үлбі өзеніне лас суы құйылып жатқан Секисовкадағы кен байыту фабрикасының жұмысын тоқтатуға ықпал етті.

2017 жылдан Қарағанды облысы бойынша Бас санитар дәрігері, Қоғамдық денсаулық қорғау департаментінің басшысы қызметін атқарды.

2019 жылдың 23 мамырында Алматы облысының Бас санитарлық дәрігері, тауарлар мен қызметтердің қауіпсіздігі мен сапасын бақылау департаментінің басшысы болып тағайындалған. 2020 жылдың қаңтарынан бастап елдегі індет жағдайында коронавируспен күреске белсене араласқан. Алматы облысындағы шекаралық аудандарды жиі аралап, карантиндік жағдайды жіті бақылап отырған. Шетелден келген азаматтарды мұқият тексеріп, індеттің Қазақстанға өтпеуін қадағалап аянбай тер төкті. Қорғаныс костюмін киіп, ауруханаларды жиі аралап жүріп қауіпті вирусты жұқтырғанын да байқамай қалды. Аурудан әлсіреп, жағдайы мүлдем нашарлағанға дейін жұмыс басында болды.

Қайрат Қажыманұлы 24 ғылыми еңбектің авторы. Женева қаласында өткен химиялық заттарды реттеу жөніндегі халықаралық конференцияның, IV отырысында және Мәскеу қаласында өткен ТМД мемлекеттері тұтынушыларының құқықтық қорғау консультациялық кеңесінің IX отырысына қатысқан. «ҚР денсаулық сақтау ісінің үздігі», «ҚР Тәуелсіздігіне 20 жыл», «ҚР Конституциясына 20 жыл» мерейтойлық медальдармен марапатталған.

Қайрат Баймұхамбетов 2020 жылы 10 шілдеде коронавирус індетінен қайтыс болып, Өскемен қаласына жерленді. ҚР Президенті Қ. Тоқаевтың Жарлығымен Қайрат Қажыманұлы Баймұхамбетов қайтыс болған соң «ІІ дәрежелі Барыс» орденімен марапатталды. Күршім селосындағы МТС көшесіне ауыр індетпен күресу жолында мерт болған жерлесіміз Қайрат Баймұхамбетовтың есімі берілді (2021, ақпан).

Қ. Қ. Баймұхамбетов туралы әдебиет

Литература о К.К. Баймухамбетове

Күршімнің бір көшесіне атын берсе [Текст] : Мәтін / [Күршімдік дәрігер, ковит індетінің құрбаны Қ. Баймұханбетов туралы] // Дидар. - 2020. - 22 қазан.- Б.4.

Зәкәрия, Хасен. Ер есімі ел есінде қалса [Текст] : Мәтін / Х. Зәкәрия // Дидар. - 2020. - 8 желтоқсан.- Б.5.